Tighimo’g pabuto nanagat patay
CEBU, Philippines - Lawas sa tighimo og pabuto nakit-an nga naglutaw sa dagat duol sa sitio Toril, Canjulao, dakbayan sa Lapu-Lapu alas 8 sa buntag kagahapon.
Base sa inisyal nga imbestigasyon ni PO2 Jerson Alparito sa Lapu-Lapu City Police Office-Homicide Section nailhan ang patay’ng lawas nga si Venancio Rica, 42-anyos kinsa temporaryo’ng nagpuyo sa Purok Shooting Star, Babag 2 ug lumad nga taga Lanao del Norte.
Si Alparito miingon nga uwahi’ng nakit-an si Rica alas 4 sa hapon niadtong Martes ug adunay katagay nga duha ka higala nga nailhan sa pangan nga Budong Rala ug “Paklay”.
Human niini niadto sa dagat ang biktima ug duha ka kauban nga gituohang mga hubog na.
Nanguli ang duha nga gibiyaan lang ang biktima kinsa napalgan na lang sa usa ka mananagat nga napadpad na sa may Mactan Channel ug dali’ng nipahibawo sa kapolisan. (BANAT NEWS)
- Latest
