Batching plant sa WT ipatangtang

CEBU, Philippines - Giawhag sa konseho sa dakbayan sa Sugbo si Mayor Michael Rama nga ipatangtang sa WT Construction ang ilang batching plant sa North Reclamation Area.

Usa sa representante sa WT Construction niingon nga gitugutan sila ni Rama sa pagtukod sa batching plant apan wala’y gipakita nga dokumento.

Si Konsehal Sisinio Andales nikwestiyon sa libreng paggamit sa lugar nga wala nakakwarta ang gobiyerno.

Ang kompaniya nihangyo sa pagbutang sa ilang mga materyales sa maong lugar alang sa pag-rehabilitate sa Serging Osmeña Boulevard.

Matud ni Alora Mae Tambasen sa WT Construction nga nitugot si Rama sa paggamit sa lugar pinaagi sa pulong atol sa usa ka joint conference niadtong Marso 2014. (BANAT NEWS)