400 ka polis, K9 toa na sa Tacloban

CEBU, Philippines - Milarga na kagahapon sa kaadlawon ang 400 ka sakop sa Regional Public Safety Battalion lakip na sa 27 ka K9 sniffing dogs sa Armed Forces of the Philippines-Central Command nga motabang sa pagbantay sa pagbisita sa Santo Papa sa Tacloban.

Sumala pa ni Senior Supt. Clifford Gairanod, battalion commander sa RPSB-7, nga ang mga polis sakay sa C130 cargo plane sa Philippine Air Force. Ang maong contingent gitahasan nga mamahimong hapsay ang misa ug ang panagtagbo sa Papa ug sa pamilya nga naapektohan sa bagyong Yolanda.

Ang Presidential Security Group mao ang gitahasan sa pag-secure sa Papa samtang ang kapolisan ug ang militar ang gitahasan sa pag-secure sa lugar nga adtoan sa lider sa Simbahang Katoliko.  (BANAT NEWS)