Rota sa PUJ, traysikol sa Mandaue usbon
CEBU, Philippines - Gitakda sa Traffic Enforcement Agency of Mandaue (TEAM) ang public hearing sa bag-ong rota sa mga public utility jeepneys (PUJ) ug mga traysikol karong Martes.
Usa niini ang pagbutang og permanente nga rota sa mga PUJ ug pagdili sa pag-agi sa mga traysikol sa mga national highway.
Si Edwin Ermac, executive officer sa TEAM, nagkanayon nga gitawag na sa Department of Public Works and Highways ang ilang atensiyon sa nagpadayun nga pag-agi sa mga traysikol sa mga national road hinungdan sa mga aksidente.
Ang public hearing himuon sa Mandaue City Sports and Cultural Complex sugod alas 9 sa buntag.
Ang mga traysikol makapamasahero na lang sa kabarangayan kutob sa eskina sa mga national road ug mobalhin ang mga pasahero sa PUJ ug multicab nga pasaheroan.
Giila ni Ermac ang pipila ka mga national roads sa dakbayan ang ML Quezon sa Maguikay, Casuntingan ug Cabancalan. (Romeo T. Limpangog/GMR)(BANAT NEWS)
- Latest
