Kapitolyo motabang sa biktima sa Seniang
CEBU, Philippines – Mohatag ang Kapitolyo og hinabang pinansiyal alang sa mga biktima sa bagyo’ng Seniang sa habagatang bahin sa probinsiya sa Sugbo.
Tag P10,000 ang ihatag sa mga nangaguba pag-ayo nga mga balay ug P5,000 sa mga partially-damaged.
Matud ni Gob. Hilario Davide III nga mas dali ang pag-ayo sa kabalayan kung cash assistance ang ihatag ngadto sa mga biktima.
"Amo pa’ng gitan-aw ang pundo kung maapod kay we noticed nga malangan man gud and their homes are totally destroyed, we realized nga cash assistance ang faster tingali," matud ni Davide.
Sa laing bahin, giklaro ni Davide nga dili pinugsanay ang paghatag og P5 isip toll fee kung mo-agi sa footbridge nga nagsumpay sa Sibonga ug Argao. Dugang niya nga hinabang lang ang gusto sa mga molupyo gumikan sa pagkabiktima nila sa bagyo. – /GMR) (BANAT NEWS)
- Latest
