Usa ka tunghaan sa Argao usa ka semanang di magklase

CEBU, Philippines - Usa ka tunghaan sa bukirang barangay sa lungsod sa Argao ang ipasuspenso ang klase sulod sa usa ka semana tungod sa pagkaguba sa karsada padung sa maong tunghaan atol sa bagyong Seniang.

Si Elma Larumbe, cluster head sa DepEd sa Argao mihangyo kang DepEd Provincial Division Superintendent Arden Monisit nga suspensuhon una sulod sa usa ka semana ang klase sa Calagasan National High School.

Matud ni Larumbe nga tungod sa pagdahili sa yuta dili maagian ang karsada diha sa lugar. Ang maong hangyo ni Larumbe giaprobahan usab kini kagahapon ni Monisit.

Ang DepEd district Officer sa lungsod sa Pinamungajan-1 nga si Florencia Labang mipahibawo usab kang Monisit nga usa ka classroom sa Tupas Elementary School ang totally damaged human nga ang usa ka punoan sa Gemelina nalarot atol sa bagyo. Sa ka classroom usab sa tunghaan sa Lut-od ang naguba usab ang atol tungod sa natumba nga punoan sa kahoy.

Samtang si Rhea Mar Angtud,  DepEd Cebu City Schools Division Superintendent nagkanayon nga karong adlaw mobalik na ang klase sa mga eskwela sa siyudad. (BANAT NEWS)