6.1 magnitude nga linog miigo sa Sulu Sea
CEBU, Philippines – Gitay-og og 6.1 magnitude nga linog ang pipila ka bahin sa Mindanao apan layo kaayo kini sa kayutaan kay ang epicenter niini nahimutang sa dagat.
Ang maong linog nasentro sa Sulu Sea, gibanabanang 205 kilometros (127 miles) sa kasadpang bahin sa Zamboanga City, sumala pa ni Philippine Institute of Volcanology and Seismology (Phivolcs) seismologist Ishmael Larag.
Ang maong linog nakapairog sa mga furniture sets sa Zamboanga apan wala hinuoy natala nga danyos ug casualties sa maong linog.
"It was too far from inhabited areas to cause damage," matud pa ni Larag.
Wa say tsunami warning nga gipagawas human sa linog apan gipaabot nga dunay mga aftershocks nga mahitabo.
Ang US Geological Survey mibutyag nga ang maong linog nahitabo sa gilawmon nga 37 kilometros (23 miles deep). (AFP/EIM) (BANAT NEWS)
- Latest
