Paging system sa taytayan ayuhon
CEBU, Philippines - Ayuhon pa ang paging system sa duha ka taytayan sa dakbayan sa Mandaue ug isla sa Mactan.
Matud ni Leo Jim Bacus, system analyst sa Mandaue-Mactan Bridge ug Marcelo B. Fernan Bridge, nga nakaduso na sila og hangyo sa Provincial Planning and Development Office aron mapaayo na ang mga kahimanan.
Ang Mactan-Cebu Bridge Management Board (MCBMB) nisugyot sa pagbutang og precautionary measure sa lugar aron malikayan nga may kaso pa sa hikog nga mahitabo sa taytayan.
Kini naglakip sa paging system ug pagbutang og blue guards.
Si Chief Inspector Alvin Gumacal sa Regional Maritime Unit-7 nga nagbase sa ilawom sa duha ka taytayan nagkanayun nga daku og matabang ang paging system sa mga nagbantay sa close circuit television (CCTV) camera aron mabadlong ang mga magplanong moambak sa taytayan.
Mabadlong usab ang mga mag-istambay ug ang mga bata nga magdagan-dagan ug magduwa-duwa sa taytayan.
Lima ka paging system diha sa tulay ang offline tungod kay wala’y connection. (BANAT NEWS)
- Latest
