660 ka bata gipartehan sa Mandaue

CEBU, Philippines – Napahimuslan sa 660 ka bata nga anak sa kabus nga mga ginikanan ang tibuok adlaw nga kasadya atol sa Christmas Party nga gipahigayon kagahapon sa Mandaue City Sports and Cultural Complex.

Ang unang ginang sa dakbayan nga si Mrs. Sarah Walker Cortes  nga mao’y chairperson sa Mandaue City Council for the Protection of Children (MCCPC), ang nangulo sa kalihukan uban sa mga sakop sa Kaabag Foundation Inc.

Ang City Social Welfare and Development Office nga gipangulohan ni Violita Cabada ug buhatan sa Mandaue City Health Office nga gipangulohan ni Dr. Edna Seno ang nakighiusa sa Christmas Party sa kabataan. Sila si Mayor Jonas Cortes, Bise Mayor Glenn Bercede ug mga konsehal ang nagkahiusa sa pagpanghatag sa pagkaon ug mga pinaskohan nga naglakip sa mga duwaan ug uban pa.

Ang tagsatagsa ka Barangay Development Council sa 27 ka barangay sa dakbayan ang nipili sa kabataan. Ang pundo nga gigamit sa Christmas Party gikan sa natigum sa horror booth niadtong Kalag-kalag. – /GMR) (BANAT NEWS)