P7 pleti gitinguha
CEBU, Philippines - Ang Land Transportation Franchising and Regulatory Board (LTFRB)-7 morekomendar og provisional nga kunhod sa pletihan nga P0.50 sa minimum nga pletihan human sa public hearing karong Disyembre 17.
Si LTFRB-7 director Reynaldo Elnar mibutyag nga human sa hearing ilang isumitir ilang position papers ngadto sa kauluhan lakip niini ang request sa provisional fare reduction sa rehiyon.
“Samtang gi-resolve ang main petition to reduce the current jeepney's minimum fare from P7.50 to P7.00 or a reduction of P0.50 atong gi-request ang main office sa issuance aning P0.50 provisional fare reduction,” matud ni Elnar.
Si kanhi Cebu City Councilor Augustus "Jun" Pe ang mipasaka sa petisyon ngadto sa LTFRB-7 sa pagpakunhod sa pletihan og P.50 tungod sa pag-sige’g rollback sa presyo sa petrolyo. Ang mga jeepney route leaders ubos sa National Confederation of Transport Workers Union Central Visayas nakadesider nga dili sila mobabag sa P0.50 nga minimum fare reduction.
"Nadesisyunan namo karon nga di mi mo-opposed sa fare reduction petition basta provisional lang sama sa Manila," matud ni NCTU-CV national vice president Romeo Armamento, kinsa motambong usab sa public hearing. Si Cebu Integrated Transport Service Multi-purpose Cooperative (Citrasco) head Benjie Yu, dili usab supak sa maong plano ni Elnar apan kinahanglan nga mosubay kini sa balaod.
Susama og rason, ang gibutyag sa pangu sa Cebu South Mini Bus Operators Associations nga si Jolito Flores maong nagtinguha silang mosugyot ngadto sa LTFRB nga mo-umol og kasabutan alang sa provisional nga fare reduction sa mga bus de pasaheroan dinhi sa Sugbo.
Si Flores miingon nga isugyot niya ang Memorandum of Agreement ngadto sa LTFRB, LTO ug kang Gobernador Hilario Davide III human nga wala pay naduso nga petisyon alang sa pagpakunhod sa pletihan sa bus. Matud pa ni Flores, kun siya maoy pabut-on buot niyang paubsan ang pletihan sa mga bus gikan sa P6 ngadto na sa P5 sa unang lima ka kilometro ug P1.20 matag dugang kilometro. (Ria Mae Y. Booc ug Decemay Padilla/EIM)(BANAT NEWS)
- Latest
