21 ang patay kang Ruby
CEBU, Philippines – Mokabat na sa 21 ka tawo ang nakalas sa pag-igo sa bagyong Ruby, kadaghanan niini gikan sa Borongan, Eastern Samar, diin unang mitugpa ang bagyo sumala pa sa Philippine National Red Cross.
"We have confirmed reports that 21 people died in Eastern Samar, 16 of them in Borongan," matud pa ni Gwendolyn Pang, secretary-general sa Philippine National Red Cross sa report sa GMA News.tv.
Tungod sa leksyon nga nakat-onan usa ka tuig na ang nakalabay dihang mitugpa ang super typhoon Yolanda, wa magpanuko ang gobiyerno sa pagmando og evacuation. Gibanabanang kapin usa ka milyon ka tawo ang gipabakwit sa mga dapit nga maigo sa bagyong Ruby.
“The breakdown we have is one from Western Samar, one from Northern Samar, three from Iloilo and 16 from Eastern Samar, specifically from Borongan. We have people on the ground, we received this from our local Red Cross chapters,” sumala pa ni Pang sa GMA News Online.
Apan wala pay record niini ang National Disaster Risk Reduction and Management Council chief Alexander Pama gawas lang sa duha ka kompirmadong patay ug tulo ka mga naangol.
Si Borongan Bishop Crispin Varquez sa interbyu kaniya sa Radio Veritas miingon nga nagkinahanglan sila karon og dugang pagkaon, medisina ug tubig, Matud pa niya baha maoy dakong problema nga ilang nasugatan. (Gikan sa Wires/EIM) (BANAT NEWS)
- Latest
