OIC sa CCPO may mensahe sa mga tulisan
CEBU, Philippines – Giawhag sa kasamtangang direktor sa Cebu City Police Office, Senior Supt. Conrad Capa, ang mga tulisan nga mopalayo na lang gikan sa Sugbo niining nagsingabot nga Pasko ug Sinulog 2015.
Kini ang mensahe ni Capa sa mga tulisan atol sa command conference nga iyang gipatawag sa mga station commanders kagahapon.
Misaad si Capa nga iya himuon ang tanan samtang siya pa ang naglingkod sa pwesto.
“In the meantime, I will do what I can, taking special of City,” matud ni Capa.
Gilauman ni Capa nga mopakita og saktong labok ang mga station commanders gumikan kay siya mismo ang mosubay kung naghimo ba sila sa trabaho. “Well I expect them to do better as they should because I will supervise them,” sumala pa ni Capa.
Gipasabot ni Capa nga dili na lisud alang kaniya ang buhatonon kay nasayud na siya sa problema sa dakbayan.
“Ang motto kasi namin, where Cebu City goes the province goes, ito binabantayan ko as deputy chief for operations,” pasabot ni Capa kinsa maoy deputy director for operations sa Police Regional Office-7. Usa sa ilang tutukan ang pagsumpo sa kriminalidad. Apil sa gustong ipatuman ni Capa ang pagpahugot sa mga checkpoints aron pag-alkontra sa mga badlungon sa katilingban.
Plano ni Capa nga hatagan og importansiya ang mga lugar sa dakbayan nga dunay daghang patigayun ingon man mga turista.
Samtang buot klaruhon ni Capa ang “one strike policy” ug ang pagrelibo sa usa ka police station chief.
“Minsan we have to grade them according to a lot of things, baka nasingitan lang, we have to access, maliban sa talaga’ng walang ginagawa yu’ng hepe,” sigun pa ni Capa. – /GMR) (BANAT NEWS)
- Latest
