Lolo naghikog
CEBU, Philippines - Patay ang usa ka lolo human kini naghikog pinaagi sa paghigot sa iyang liog ug nadiskubrehan sa barangay Argawanon sa lungsod sa San Remigio.
Ang namatay naila nga si Apolonio Maitom, 63, taga Sitio Patag sa maong lugar. Sumala pa sa imbestigasyon nga ang naghikog may gihambin nga sakit.
Matud pa sa live-in partner ni Maitom nga si Emiliana Otid pasado alas 6:00 sa buntag migawas siya sa ilang balay aron magpalit og pamahaw alang kanilang duha.
Apan dihang nabalik na si Otid sa ilang pinuy-anan nahibulong siya nganong mingaw ang balay sa iyang pagsusi sa sud, nakita niya nga nagbitay na sa pisi nga gihigot sa kisame ug sa liog sa iyang kapuyo.
Ang Municipal Health Officer nga si Dr. Orleta Ursal mideklarar nga patay na si Maitom.
Ang pamilya sa namatay gitambagan sa kapolisan nga ipa-autopsy ang patay nga lawas niini apan nagdumili na sila sanglit nagtuo sila nga naghikog gyud si Maitom. (BANAT NEWS)
- Latest
