Petisyon ni Osmeña gibasura
CEBU, Philippines - Gibasura sa korte ang petisyon nga giduso ni kanhi mayor Tomas Osmeña batok sa pag-ugmad sa Doña Pepang Cemetery sa barangay Tejero.
Si Osmeña nangayo og temporary restraining order sa korte aron mapakgang ang tinguha ni Mayor Michael Rama.
Nunot niini nalipay si Rama samtang iyang gipasidunggan ang iyang legal team tungod sa malampusong pagdepensa niini sa korte.
“I congratulate our legal team and including DWUP (Division for the Welfare of Urban Poor),” matud ni Rama.
Mapasalamaton usab si Rama sa korte.
Giklaro ni Rama nga wala’y angay ikabalaka sa pagguba tungod kay wala kini sa iyang plano gawas sa pagpanindot sa lugar. Ang sam-ang nga may gidak-on nga 9,282 metros kwadrado gilubngan sa pipila ka iladong tawo apan na-abandona ug kasamtangang gihimong pinuy-anan sa mga informal settlers. (Khacel Anne D. Sanchez/GMR)(BANAT NEWS)
- Latest
