Mga kawani sa district hospitals wa pa’y sweldo

CEBU, Philippines - Wala gihapon makadawat sa ilang duha ka buwan nga sweldo ang mga kawani sa mga district hospitals sa probinsya.

Matud sa hepe sa Provincial Health Office, Dr. Cynthia Genosolango, nga ang pagproseso sa mga requirements sa mga kawani gikan sa mga hospitals ngadto sa iyang buhatan maoy usa sa nakalangan sa pag-release sa ilang sweldo.

Hinuon padayon nga ilang gilihok aron masulbad ang pagkalangan.

Dugang niya nga ang pag-outsource sa mga papeles ug ang pagkalangan sa pag-submit sa Daily Time Record (DTR) ug biometrics sa mga kawani laing rason nga nalangan ang PHO sa pag-release sa sweldo.

Nipasalig si Genosolango nga kadtong mga kawani nga una na nga niduso sa ilang mga requirements makadawat sa ilang sweldo karong ika-duhang semana sa Disyembre. (BANAT NEWS)