Mga wanted nangadakpan
CEBU, Philippines - Nasikop sa kapolisan sa Sugbo ang tulo ka lalaki nga may warrant of arrest sa managlahing dapit sa miaging adlaw.
Unang nasikop si Rewel Alimento, 35, molupyo sa Barangay Pangdan sa dakbayan sa Naga pasado alas 12:00 sa miaging tungang gabii.
Si Alimiento nag-atubang sa kasong paghupot og drug paraphernalia ug dali kining giturn-over sa Regional Trial Court Branch 12 sa dakbayan sa Sugbo.
Samtang pasado alas 8:00 sa miaging buntag nasikop sa kapolisan sa lungsod sa Oslob si Henry Tampus, 27, nga wanted sa kasong pagpangawat.
Siya nasikop base na sa warrant of arrest nga giisyu ni Judge Gilbert Moises sa RTC Branch 18 sa dakbayan sa Sugbo.
Pasado alas 3:00 sa miaging hapon nasikop sa kapolisan sa dakbayan sa Sugbo ang usa ka lalaki nga may warrant of arrest sa kasong pagpangawat.
Ang maong lalaki naila nga si Ian Jeffrey Perez, 27, molupyo sa Barangay Kalunasan sa dakbayan sa Sugbo.
Ang maong warrant of arrest giluwatan ni Judge Oscar Andrino sa Municipal Trial Court in Cities Branch 5 sa dakbayan sa Sugbo. Ang maong lalaki giturn-over sa kapolisan ngadto sa MTCC Branch 5 human sa iyang pagkadakop. (BANAT NEWS)
- Latest
