Presyo sa noche buena gi-monitor
CEBU, Philippines - Paesplikahon sa Department of Trade and Industry ang mga grocery stores sa dakbayan sa Sugbo nga nasakpang wala motuman sa suggested retail prices alang sa “noche buena”.
Si Zaide Bation, Consumer Welfare and Business Regulation Division chief sa DTI-7, mibutyag nga ang inspeksyon ilang gihimo sa niaging semana hangtud niadtong Lunes.
Multa nga usa ka milyon ka pesos ang ipahamtang sa makalapas sa Price Act samtang mag-atubang usab og kasong kriminal kadtong magbuhat-buhat lang og presyo.
Ang DTI nagsugod sa pag-monitor sa mga presyo sa noche buena niadtong Oktubre human nipagawas og opisyal nga SRP advisories ang DTI-Central Office.
Gawas sa Cebu City, ang DTI mohimo usab og monitoring sa mga grocery ug supermarket stores sa siyudad sa Lapu-Lapu, Mandaue, Talisay ug mga silingang lugar sunod semana. (BANAT NEWS)
- Latest
