Baha sa Umapad sulbad na
CEBU, Philippines – Masulbad na sa dili madugay ang problema sa baha sa may Batiller, barangay Umapad, dakbayan sa Mandaue.
Kini nunot sa padayun pag-ugmad sa Phase 2 sa drainage project nga gigastohan sa kagamhanan sa dakbayan sa Mandaue.
Matud ni Barangay Kapitan Nelson Rubio nga si Mayor Jonas Cortes nigahin og P41 milyones alang sa proyekto.
Ang Phase 1 adunay gahin nga P21 milyones ug P20 milyones sa Phase 2 aron mahingpit ang proyekto.
Matud ni Rubio nga ang pagpalambo sa kanal lahos ngadto sa Mactan Channel.
Ang Umapad ang nalakip sa mga barangay sa dakbayan nga kanunay nga bahaan sulod sa dugay na nga panahon.
Dugang mga barangay mao ang Banilad, Maguikay, Paknaan, Tipolo, Mantuyong, Looc ug Guizo diin nagpadayon usab ang pagpalambo sa mga kanal nga gipatuman ubos sa Department of Public Works and Highways (DPWH-7). – /GMR) (BANAT NEWS)
- Latest
