Kampanya sa PNP vs drugas gidaot–Bañas

CEBU, Philippines – Pabilin nga gibarugan sa hepe sa Police Regional Office-7 nga lehitimo ang gihimong operasyon sa kapulisan sa Moalboal nga gikamatay sa duha ka pulis, pipila ka adlaw na ang nakalabay.

Matud pa ni Chief  Superinendent Prudencio Tom Bañas dunay search warrant ang mga polis atol sa maong operasyon ug ang target mao ang usa ka Michael Aquino.

Ang reaksyon ni Bañas may labot kini sa pamahayag ni Board Member Christopher Baricuatro nga dili pagpangronda ang tuyo sa mga pulis sa Barangay Tomonoy. Sigun pa ni Bañas nga posibling aduna ra’y gustong modaut kanila, misaad kini nga hingusgan pa nila ang kampanya paggukod sa mga tigpayuhot ug tigpaluyo sa illegal nga drugas. – /EIM) (BANAT NEWS)