Skate Park sa Opon gilusad

CEBU, Philippines – Gilusad sa dakbayan sa Lapu-Lapu ang labing unang Skate Park sa Hoops Dome, barangay Gun-ob niadtong Domingo sa hapon.

Si Mayor Paz Radaza miingon nga ang Skate Park makatabang kini sa kabatan-onan nga mahilayo sa ginadiling drugas. Kini usab ang labing unang pangpublikong Skate Park nga gisuportahan sa gobyerno sa dakbayan sa Lapu-Lapu. Gihangyo ni Radaza sa mga skaters ug longboarders nga dapat aduna sila’y disiplina sa paggamit sa maong lugar-kalingawan ug musunod sa mga lagda sama sa paggamit og helmet aron paglikay sa aksidente.

Giklaro ni Radaza nga wala pasagdi sa gobyerno ang laing mga proyekto sama sa karsada, classrooms, drainage project ug paghatag og bag-ong facility sa tambalanan samtang gitukod ang Skate Park. – /GMR) (BANAT NEWS)