Duha ka negosyante gitulis
CEBU, Philippines - Duha ka gagmay nga negosyante ang biktima sa pagpanulis sa armadong mga lalaki nga magsakay og motorsiklo sa managlahing oras ug dapit sa lungsod sa Liloan.
Si Police Officer 1 Eden Pepito miila sa unang biktima nga mao si Romulo del Castillo, 38, taga Yati sa nahisgotang lungsod.
Duha ka lalaking nagmotor ang misud sa tindahan sa biktima ug gitulis kini. Gikuha sa duha ang tulo ka cellphone ug P1,000 nga cash.
Human niini, daling mipabulhot palayo sa maong dapit ang mga tulisan.
Apan dangtan og pila ka oras, gitulis usab sa duha ka lalaking nagmotor ang negosyante og baboy nga si Marilyn Pepito, diha sa Barangay Suba.
Padung na ang biktima sa ilang balay dihang paghidangat sa eskina nga dalan kalit kining gialihan sa motorsiklo nga giluwanan sa duha ka wala hiilhing lalaki ug gitionan og armas ug mideklarar og tulis.
Gikuha sa mga tulisan ang wala pa matinong kantidad nga halin sa karne sa biktima diha sa merkado. Ang duha miikyas paingon sa lungsod sa Compostela. (BANAT NEWS)
- Latest
