Welder gipusil patay

CEBU, Philippines - Patay ang usa ka welder human gipusil sa iyang gikalalis sa barangay San Roque, Talisay niadtong Huwebes.

Ang biktima nailhan nga si Clyde Quiñones, 39-anyos, samtang ang suspek nailhan nga si James Navilla, 22-anyos, taga sitio Riverside, Cansojong, Talisay.

Gikataho nga nalambigit ang duha sa panaglalis nga niresulta sa away ug samtang silang duha nagkatinubagay, kalit lang nga mikuha ang suspek sa iyang pusil ug gipusil si Quiñones dayun sibat.

Matud sa desk officer sa Talisay City Police Station, PO1 Paula Lumasag, nga nakasulti pa ngadto sa kapolisan ang biktima sa nipusil una namatay. Nadakpan ang suspek sa iyang pinuy-anan sa Cansojong. (Sharmaine Kaye F. Obra, USJ-R Masscom Intern/GMR)(BANAT NEWS)