Lalaki nalatayan sa oil tanker

CEBU, Philippines - Patay ang usa ka tawo human nalatayan sa oil tanker dihang kini nabangga sa laing motorsiklo sa dalan M. C, Briones ug eskina Singson Village sa Barangay Subangdaku, Dakbayan sa Mandaue.

Ang namatay mao si Wendel Uy, 33, taga Barangay Quiot-Pardo, Cebu City, samtang naangol ang gikabangga niini nga si Rodulfo Edano Senadjan, 65, taga Singson Village sa Barangay Subangdaku sa maong dakbayan.

Si Senior Police Officer 4  Vicente Benabaye, chief investigator sa Traffic Division sa Mandaue  City Police Office (MCPO) miingon nga ang namatay paingon sa Cebu City dihang kalit kining naigo sa motorsiklo ni Senadjan sa paggawas niini sa eskina.

Gumikan sa kusog nga impact nalagpot si Uy ngadto sa oil tanker nga gimaneho ni Dante Dagohoy, 44, nga padulong sa Consolacion ug didto mitugpa sa luyo nga ligid niini.

Gidala ang duha ka biktima ngadto sa  Vicente Sotto Memorial Medical Center apan si Uy gideklarar kini sa mga doktor nga dead on arrival samtang si Dagohoy   giimbestigar bahin sa nahitabo. (BANAT NEWS)