Dunay hinabang nga wala mahurot paghatag

CEBU, Philippines - Mga subra’ng hinabang nga alang unta sa mga biktima sa bagyo’ng Yolanda gireserba sa Kapitolyo alang sa umaabot nga mga katalagman nga muigo sa Sugbo.

Si Rose Jao, officer in charge sa Provincial Social Welfare and Development (PSWD), miingon nga ang nahabilin nga mga hinabang sama sa tubig, tent ug sinena nga gikan sa nagkalain-laing organisasyon anaa karon sa Cebu International Convention Center. Nangangkon si Jao nga ang tanang mga nabiktima sa bagyo ila gayud nga naapud-aporan sa ilang gikinahanglan.

Matud ni Jao nga adunay mga biktima sa bagyo’ng Yolanda nga dili na manawat og hinabang nga used clothing mao nga adunay nahabilin nga wala mahatag.  (BANAT NEWS)