Swedish gikawatan sud sa hotel

CEBU, Philippines - Usa ka turistang Swedish national ang gikawatan sa usa ka wala mailhing babaye sulod sa usa ka hotel sa siyudad sa Sugbo. Midangop sa Theft and Robbery Section sa Cebu City Police Office (CCPO) si John Lennart Lexander, 45 ug misumbong nga gikawat ang iyang backpack.

Ang backpack dunay sulod nga 70 US Dollars ug 2,000 Thai Baht, passport, Visa card, driver's license, usa ka plane ticket gikan Manila paingon sa Hong Kong, ug mga butang sa biktima.

Sa laing bahin, usa ka balay ang gilungkab sa Banawa, Guadalupe, siyudad sa Sugbo diin kapin P100 mil nga kantidad sa mga butang ang nasakiyo.

Matud pa wa makabantay  ang biktima nga si Rutherford Rios, 22, dihang gisulod sa wa mailhing tawo ang iyang lawak ug gipanguha ang iyang mga butang sama sa cellphone nga nagkantidad og P30 mil ug laptop nga nagkantidad og P80 mil. (BANAT NEWS)