‘Nurse’ nangilad og pasyente
CEBU, Philippines- Nagpatuong nurse ang usa ka lalaki nga nangilad og pasyente sa pribadong tambalanan.
Ang biktima nga nisumbong sa Fuente Police naila nga si Jeje Quilo kinsa mi-post sa iyang touch screen nga cellphone sa online store ug usa ka Bryan Enriquez ang buot mopalit niini.
Matud pa sa mangingilad nga kuhaon niya ang cellphone sa usa ka pribadong tambalanan sa may Osmeña Boulevard.
Dali nga miadto ang bana sa biktima ug na-estorya ang nagpatuo nga nurse kinsa nagsuot gyud og uniporme apan wala’y ID ug name plate.
Sa pagdawat sa cellphone, ang nurse miingon nga iyang suwayan pag-charge sulod sa emergency room apan milabay na lang ang pipila ka oras wala gihapon nabalik ug nasuta nga wala’y Bryan Enriquez nga nurse sa maong tambalanan.
Nunot niini, ang hepe sa Fuente Police nga si Chief Insp. Wildemar Tiu mitambag sa publiko nga sa pangpublikong lugar makigtagbo kun dunay susamang transaksiyon.
Matud ni Tiu nga bisan desente pa og porma ang ikaatubang dili angay mokompiyansa. (BANAT NEWS)
- Latest
