Mga libudsuroy ipahipos sa kapitolyo
CEBU, Philippines - Gitahasan sa Hunta Probinsyal ang PSWD o Provincial Social Welfare and Development Office sa paghipos sa mga makililimos sa kadalanan sa kalungsoran.
Namatikdan nga nagkadaghan na usab ang mga batang libud-suroy sa kadalanan sa mga lungsod aron mangayo og limos ug nagbutang kanila sa peligro.
Matud ni Board Member Arleigh Jay Sitoy nga samtang nagkaduol ang Pasko nagkadaghan usab ang mga makililimos nga mga bata ug senior citizens.
“Every local government unit shall promote health and safety, maintain peace and order, and preserve the comfort and convenience of their inhabitants,” sumala pa sa resolusyon ni Sitoy.
Giawhag usab niya ang PSWD nga tabangan ang mga makililimos aron dili na sila mobalik sa dalan, wala hinuon ibutyag sa resolusyon kun unsa nga tabang ang buot mahitabo ni Sitoy. (BANAT NEWS)
- Latest
