Aftershocks nagpadayon

CEBU, Philippines - Bisan og usa ka tuig na ang nakalabay human sa pagtay-og sa 7.2 magnitude nga linog sa lalawigan sa Bohol padayon gihapon ang mga aftershocks nga nasinati sa Kabisay-an.

Niadtong miaging gabii, subling gitay-og og aftershocks ang Kabisay-an nga naglakip sa Catigbi-an, Tagbilaran, Antiquera, Corella, Baclayon, Cortes, Balilihan, Loboc, Hagna, Lila, Sagbayan, Carmen, Albuquerque, Sikatuna, Maribojoc, Loon, Talibon ug pipila ka lugar sa Sugbo. Ang Philippine Institute of Volcanology and Seismology (Phivolcs) mitataw nga wala pay teknolohiya nga makatag-an kun kanus- a mahitabo ang linog ug kun kanus-a mahuman ang patay-og niini.

Giawhag hinuon niya ang publiko nga dili motuo sa mga text ug sayop nga impormasyon sanglit dili kini makatabang kun dili makapasamot hinuon sa kabakala ug kagubot sa mga tawo.

Matud niya mas maayong maminaw og balita ug motawag sa ilang ahensiya ug uban pang ahensiya sa gobiyerno kalabot sa mga balita. (BANAT NEWS)