Duterte dili mokandidato
CEBU, Philippines – Miduaw kagahapon sa Police Regional Office – 7 (PRO – 7) ang mayor sa siyudad sa Davao nga si Mayor Rodrigo Duterte isip guest of honor ug speaker sa gipahigayon nga closing ceremony sa Executive Motorcycle Riding Course sa Lihay Tumba Class 20 of 2014.
Gipanguluhan ni Police Chief Superintendent Prudencio Tom Bañas ang maong seremonya sa paggradwar sa 22 ka polis, usa ka Bureau of Jail Management and Penology (BJMP), ug 29 ka mga sibilyan nga nakakompleto sa 68 ka oras nga pagbansaybansay nga gihimo sa South Road Properties gikan Agosto 14 hangtud Oktubre 14.
Subling gipadayag ni Duterte sa iyang diskurso nga wala siya naglaraw nga modagan sa umaabot nga eleksiyon pagka presidente sa nasud karong 2016.
“I want to retire, I do not want and need it (presidential post). I am not interested and I do not have money,” sigon pa ni Duterte.
Sumala pa niya, naglikay siya nga posibleng masagmuyo lang siya kun human sa unom ka buwan walay reporma nga makab-ot sa iyang paglingkod pagka-presidente ug modeklarar na hinuon siya og usa ka “revolutionary government.”
Subay sa kasaysayan, ang usa ka revolutionary government, usa ka sistema diin kadtong mga badlungon apil ang mga opisyal sa gobiyerno nga maoy hinungdan sa dili maayong sistema sa panggobiyerno panangtangon ug taralon sa hukmanan. – /EIM) (BANAT NEWS)
- Latest
