400 sako basura sa kalag-kalag sa Opon

CEBU, Philippines – Ningkabat sa 400 ka sako sa basura ang nakolekta sa Clean and Green Department human sa kalag-kalag sa dakbayan sa Lapu-Lapu.

Si Mario Ymbong, kinsa pangulo sa maong departamento miingon nga sa wala pa ang kalag-kalag, nihimo sila og lima ka adlaw nga pagpanglimpyo sa mga lugar duol sa municipal ug Catholic cemeteries.

Ang grupo gilangkuban sa mga clean and green, material recovery facilities, solid waste ug mga garbage collectors.

Si Ymbong miasoy nga mas hapsay ang pagpanglimpyo karong tuiga kaysa una.

Si Ymbong mapasalamaton sa koordinasyon sa kapolisan ilabi na ang mga traffic enforcers sa dakbayan sa pagtabang nga malinawon ug limpyo ang pagsaulog sa kalag-kalag karong tuiga.  – /GMR) (BANAT NEWS)