Motorsiklo nagbangga, usa patay, tulo angol
CEBU, Philippines - Patay ang drayber sa motorsiklo nga gibanggaan sa gikasugat nga laing motorsiklo samtang tulo ang naangol sa barangay Budbud, Barili niadtong Miyerkules sa hapon.
Ang namatay naila nga si Roger Joven, 35, taga Balao, Barili samtang angol ang backrider nga si Regina Joven, 35, ug ang drayber sa nakabangga nga motorsiklo nga si John Patajo, 21, ug ang sakay niini nga si Loleta Espaltero, 40, nga nagpuyo sa maong lugar.
Matud ni PO3 Rommel Patalinghug, desk officer sa Barili Police, nga wala pa sila’y kasayuran kung mopasaka ba og kaso ang pamilya sa namatay.
Sa imbestigasyon nasayran nga subay sa managlahing direksiyon ang duha ka motorsiklo ug nikawat og lugar si Patajo og maayong pagkapasok niini sa gimaneho ni Joven.
Gumikan sa grabeng bun-og sa dughan nga naangkon ni Joven, nakabsan gyud kini sa iyang kinabuhi.
Gipaabot sa kapolisan ang pamilya apan kung wala’y mopasaka og reklamo, ilang buhian si Patajo nga kasamtangan nilang gitanggong. (BANAT NEWS)
- Latest
