Gipatay sa kaestorya
CEBU, Philippines - Dead on the spot ang usa ka 35 -anyos nga lalaki human kini gipusil patay sa usa ka lalaki diha sa Lakandula C. Padilla Street, Pahina San Nicolas, kagahapon sa alas 4:10 sa hapon.
Ang biktima naila nga si Hermel Gatcho, lumad nga taga lungsod sa Moalboal ug temporaryo nga nagpuyo sa maong lugar.
Matud pa ni Senior Police Officer 1 Ruth Violango sa Homicide Section nga nahinabi sa Banat News, nakaestorya pa sa biktima ang gunman apan nagkalalis ang duha ug nahitabo ang pagpamusil.
Igo sa kilid sa dunggan nga milapos sa pikas nga bahin sa iyang ulo ug igo sa dughan nga milapos sab sa buko-buko ang naangkon ni Gatcho nga misulay pa unta og dagan apan misukarap ‘sab pag-abot sa unahan.
Dali pa unta kini nga gidala sa Cebu City Medical Center apan patay na kini. Samtang yano nga milakaw ang killer palayo sa lugar.
Personal nga bikil ang gitan-aw karon sa kapulisan nga motibo sa pagpatay. (BANAT NEWS)
- Latest
