Magellan’s Cross simbolo sa 51st IEC
CEBU, Philippines - Gisagop isip simbolo sa ika-51 nga International Eucharistic Congress karong 2016 nga himuon sa Sugbo ang Magellan’s Cross.
Kini atol sa panagtagbo sa mga representante sa tanang parokya ug mga institusyon sa Sugbo alang sa pagpangandam sa kasaulogan.
Ang kalihukan gitambongan sa lain-laing grupo ug mga volunteers sa working committees sa IEC 2016.
Gilusad atol sa kalihukan ang 51st IEC symbol visit diin ang IEC Cebu Committee mipili sa Magellan’s Cross isip pagtimaan sa unang pag-abot sa Kristiyanismo sa Pilipinas.
Gipadayag ni Cebu Archbishop Jose Palma ang ilang gihimong pagpangandam sa 51st IEC sa Enero 24 hangtud 31, 2016 dili lang sa venue, logistics ug fund raising kun dili nagsentro usab sa espirituhanon ug pastoral nga pagpangandam sa mga motambong sa kalibutanong kalihukan.
Daku ang panghinaut sa simbahan nga ang maong Diocesan Congress maghatag og kadasig sa mga gipangtahasan alang sa pagpangandam sama sa pagsabwag sa kamahinungdanon sa eyukaristiya ug sa tumong ug tuyo sa IEC-2016.
Gihulagway ni Palma nga bisan sa Sugbo ipahigayon ang IEC 2016 apan ang host mao ang tibuok Pilipinas. (BANAT NEWS)
- Latest
