Suspek sa pagpatay sa florist himuong state witness

 CEBU, Philippines - Nagtinguha ang City Intelligence Branch nga himuong state witness ang minor de edad nga suspek sa pagpatay sa florist nga si Daniel “Jun” Cañete. Ang hepe sa CIB, Supt. Romeo Santander miingon nga dunay mga importanteng impormasyon nga gitug-an ang  17-anyos nga suspek ngadto sa kapolisan.

Ang suspek gikostudiya sa kapolisan human ang iyang finger prints ang mitugma sa nakuha sa kapolisan sa crime scene. Hinuon matud ni Santander ila pa nga gi-finalize ang sworn statement sa suspek.

Ang lain’g duha ka amigo sa suspek gibuhian sa CIB kagahapong adlawa human nasubay nga wala’y kalambigitan sa krimen.

Ang duha ka 16-anyos miangkon nga ilang nahimamat si Cañete sa South Road Properties sa milabay nga semana apan hugtanong mihimakak sa krimen ug pasangil. (BANAT NEWS)