Hinay nga linog miuyog sa Bohol

CEBU, Philippines - Sa paghandum sa unang anibersaryo sa 7.2 magnitude nga linog sa Bohol niadtong Oktubre 15, subling giuyog ang maong lalawigan nianang pagkagabii.

Alas 09:37 sa gabii nabatyagan ang usa ka magnitude 3.4 nga linog duol sa Danao, Bohol. Sumala pa sa website sa Philippine Institute of Volcanology and Seismology (PHIVOLCS)  ang linog nahimutang walo ka kilometro ilawom sa yuta.

Nasundan kini pagka alas 11:20 sa mao gihapong gabii apan mas hinay kini nga miabot lang og magnitude 2 duol ‘sab sa Loon, Bohol sa giladmon nga 20 kilometros.

Tectonic  ang gitumbok nga hinungdan sa maong pagtay-og sa yuta. Dili sama sa nahitabo sa miaging tuig, way gibiling danyos ang maong linog. (BANAT NEWS)