7.4 magnitude nga linog mitay-og sa Central America
CEBU, Philippines – Usa ka tuig na ang milabay dihang miigo ang magnitude 7.2 nga linog sa Sagbayan, Bohol apan kagahapon mitubag ang mas kusog pa nga linog sa El Salvador ug Nicaragua sa Central America nga gitay-og sa magnitude 7.4 nga linog Lunes sa gabii sa ilang oras nga mikalas sa usa ka tawo.
Si Wilfredo Salgado, mayor sa dakbayan sa San Miguel sa El Salvador, pinaagi sa iyang Twitter account mibutyag nga ang nakalas natumbahan sa usa ka poste atol sa linog.
Wa pay nadawat nga taho ang Nicaragua, Honduras ug Panama kun duna bay mga naangol o mga edipisyo nga nangaguba.
Apan miisyu og tsunami alert ang Pacific Tsunami Warning Center. Duha ka tuig ang milabay giigo ‘sab sa magnitude 7.3 nga linog ang El Salvador nga nakamugna og tsunami apan wala kini nagbilin og danyos. Niadtong 2001, duha ka kusog nga linog ang miigo sa maong nasud nga mipatay sa kapin sa usa ka libo ka tawo. – /EIM) (BANAT NEWS)
- Latest
