Sikad drayber gibuk-an sa ulo

CEBU, Philippines - Patay diha-diha ang usa ka 23-anyos nga traysikad drayber human gibuk-an sa ulo sa duha ka mamumuno sa dalan F. Jaca, barangay Inayawan, dakbayan sa Sugbo kagahapon sa ala 1:45 sa kadlawon.

Ang biktima naila nga si Pablo Mullon, ulitawo ug nagpuyo sa Juan Abasado Compound, White Road, Inayawan.

Sa imbestigasyon sa homicide section sa Cebu City Police Office (CCPO) gibutyag ni PO1 John Erick Samosa nga paingon na unta nga mopauli ang biktima sakay sa traysikad dihang giatangan ug gipusil.

Tulo ka samad pinusilan sa dapi-dapi ang naangkon ni Mullon apan ang duha ka igo sa ulo niini maoy hinungdan sa diha-diha nga kamatayon. Blangko ang kapolisan sa hinungdan sa krimen. (BANAT NEWS)