Fishing vessels gisikop

CEBU, Philippines – Duha ka mga dagkong panagatan ang gidakop sa mga sakop sa kapulisan sa Daanbantayan ug Bantay Dagat sa kadagatan duol sa Isla De Gato sud sa municipal waters sa maong lungsod nga gidili sa balaod. Ang duha ka mga panagatan nga gitawag nga mga “purse seiner” nga FV John Patrick-858  dunay crew nga 37 ug FV Dan Anton nga dunay 18 ka mga tripulante. Matud pa ni Police Officer 3 Raymund Sabang, imbestigador sa Daanbantayan Police nga nahinabi sa Banat News nagbase sa Cadiz City, Negros Occidental ang maong mga panagatan.

Nakuha gikan kanila ang 215 ka banyera nga isdang tuloy ug mga pukot. Karong adlawa gikatakdang ipasaka sa kapulisan ug provincial government ang tukmang kaso batok sa mga dinakpan. -/EIM) (BANAT NEWS)