350M budget sa pagtukod sa Tabunok Market OK na
CEBU, Philippines – Gitugutan na sa konseho sa Talisay City si City Mayor Johnny De Los Reyes nga maka-loan sa Land Bank of the Philippines (LBP) og P350 milyones alang sa pagpatukod sa bag-ong merkado sa Tabunok.
Sa walo ka pahinang committee report nga gipangulohan ni Vice Mayor Romeo Villarante, kinahanglan mosumitir og feasibility study sa tanang aspeto sa maong proyekto.
Ang maong komitiba gipangulohan ni Villarante kinsa maoy presiding officer sa konseho kauban silang konsehal Danny Caballero, Val Ylanan, Richard Aznar, Soc Fernandez, Dennis Basillote, Edward Alesna, Aldin Diaz, Doroteo Emit, Antonio Bacaltos, Jr., Eduardo Gullas III ug Raul Cabañero.
Gisiguro sa komitiba kun makabayad ang dakbayan sa Talisay sa interes sa loan aron di mag-abaga sa interes ang mga taxpayers.
Gisugyot usab sa komitiba nga konsultahon ang ubang sektor sa komunidad aron mahatagan og katin-awan ug giya ang konseho lakip na ang mayor sa kung unsay angay nga buhaton.
Si Villarante miingon nga sunod-sunod nga konsultasyon ug committee hearing ang gipahigayon sa wala pa nila nakab-ot ang maong kasabotan.
Si Villarante miingon dunay Bids and Awards Committee nga kinahanglan umulon nga langkoban sa mga highly technical personnel nga aduna’y kasinatian sa architecture ug engineering. -/EIM) (BANAT NEWS)
- Latest
