Katungod sa pasyente palig-onon
CEBU, Philippines – Nagtinguha si Konsehal Gerardo Carillo sa dakbayan sa Sugbo nga moduso og ordinansahon nga maglantaw sa katungod sa mga pasyente batok sa medical malpractice.
Ang maong lakang ni Carillo isip reaksiyon sa nahitabong insidente sa Vicente Sotto Memorial Medical Center ug Cebu Puericulture Center and Maternity House, Inc.
Niadtong Septiyem-bre 14, usa ka puya nga gipanganak sa VSMMC ang nabalian sa liog hinungdan nga namatay.
Samtang sa Maternity House usa ka puya ang gitaptapan og tape ang baba sa usa ka nurse.
“Daghang nahitabo nga medical malpractice sa city that’s why we will be providing an ordinance or law that will shield the patients from medical malpractice,” matud ni Carillo.
Lakip sa maong ordinansahon nga ang health practitioner masilotan usab kung dili mohatag og maayong pag-atiman ug pagtagad sa mga pasyente.
Lakip sa maong ordinansahon ang pagdili sa pagtanggong sa pasyente nga dili pa makabayad sa tambalanan ug ang pagpugong sa death certificate sa pasyenteng mamatay nga duna pa’y bayranan.
Si Carillo nagkanayon nga ang maong sistema kalapasan sa katungod sa mga pasyente.
It’s very inhumane. Our patients, our constituents need a legislative intervention to hear their plights and grievances on these issues,” dugang ni Carillo. – gikan sa The Freeman) (BANAT NEWS)
- Latest
