“Reorganization” sa konseho tukion

CEBU, Philippines - Gikatakdang mopahigayon og tigom karong Martes sa sunod semana ang mga sakop sa konseho sa dakbayan sa Sugbo kini human sa nahitabong sayo nga adjournment sa gipahigayong session sa milabay’ng Miyerkules.

Giingong niadtong higayona dunay lakang alang sa reorganization sa mga komitiba sa konseho apan ang maong report wala gikompirmar sa mga konsehal ug ni Bise Mayor Edgardo Labella.

Si Labella nga nahinabi sa mga tigbalita kagahapon subling namahayag nga “procedural matter” kini ug ang konseho dili makadesisyon niini.

 “We always abide what is the rule of the majority….I have always been at the very outset of the session, the very opening of the session that I’ve always said that we always have in the democratic system in a republic form of system that it is always the rule of the majority that prevail but of course respect the right of the minority and always maintain proper  quorum,” pasabot pang Labella.

Matud usab ni Labella nga dili siya ang konseho, presiding officer lang siya, ug kung unsay gusto sa mayoriya igo lang siyang mosunod niini.

Si Labella nagkanayon nga “open minded ug objective” siya ug pamation niya ang matag habig sa mga sakop sa konseho.

“We have to abide by our oath of office do what is best for the city, do what is best for the constituency because I always said that public office is the public trust and we’re all elected by the people we owe our position to the people we have our oath of office,” ni Labella pa kung ugaling dunay mahitabong reorganization. (BANAT NEWS)