Disaster prep training sa Lapu gisugdan na
CEBU, Philippines - Gisugdan na sa kagamhanan sa dakbayan sa Lapu-Lapu ang disaster preparedness training sa mga barangay alang sa pagpangandam sa umaabot nga bagyo.
Si City Administrator Teodulo Ybañez nagkanayon nga plano sa gobiyerno nga mahuman ang 30 ka barangay sa unang kwarter sa tuig 2015. Nigahin ang kagamhanan og P130 milyones alang sa maong disaster preparedness training ubos sa budget karong tuiga.
Unang gipaubos sa training mao ang barangay Mactan ug ang isunod ang barangay Pusok.
Tawgon nga Barangay Response Team ang mga grupo sa mga residente nga makahuman sa training.
Mga rescue staff ug rescue professionals gikan sa Philippine Red Cross-Lapu-Lapu ug Cordova Chapter ang instructors sa matag barangay alang sa first aid, water and vehicle rescue training ug cardio-pulmonary resuscitation (CPR). (BANAT NEWS)
- Latest
