Malnourished sa CV minus na
CEBU, Philippines - Sa pagbukas sa Children’s Month kagahapon, gihingusgan sa Department of Health-7 ang saktong pamaagi alang sa nutrisyon ug maayong panlawas sa kabataan.
Gibutyag ni Juliet Tutor, nutritionist sa DOH-7, nga sugod niadtong tuig 2010 nakig-alayon na sila sa ubang ahensiya alang sa mas epektibong pagpatuman sa programang Garantisadong Pambata.
Kini naglakip sa Department of Education, Department of Interior and Local Government ug Department of Social Welfare and Development.
Tungod sa maong programa, gitug-an sa DOH-7 nga nikunhod ang mga natalang malnourished sa Central Visayas sa tuig 2013, itandi sa niaging mga tuig.
Sa niaging tuig, nitala na lang og 5.54 porsiyento itandi sa tuig 2012 nga adunay 5.66 porsiyento.
Sagad sa mga malnourished nga bata sa rehiyon gikan sa Negros Oriental, gisundan sa Cebu, Bohol ug Siquijor. (BANAT NEWS)
- Latest
