Taas nga gabii hangtud Disyembre
CEBU, Philippines - Gipahibawo sa Philippine Atmospheric, Geophysical and Astronomical Services Administration (PAGASA) Mactan nga nasinati karon sa tibuok nasud ang mas taas nga gabii sugod niadtong Septembre 23. Sumala pa ni PAGASA Visayas chief, Engr. Oscar Tabada, nga ang tuyok karon sa kalibutan nitagilid na sa Northern Hemisphere diin ang pipila ka bahin sa Asya apil na ang Pilipinas minus og exposure sa adlaw.
Matud ni Tabada nga nasinati karon ang sayo nga pagsalop sa adlaw ug dugay nga pagsubang sa adlaw.
Si Tabada niingon nga ang labing taas nga oras sa kagabhion masinati karong Disyembre 22.
Apan iyang gitataw nga sa Enero sunod tuig hinay nga magsugod usab ang pagtaas sa oras sa adlaw kay padulong na kini sa summer.
Dugang pasabot ni Tabada nga ang taas nga oras sa gabii sagad mahitabo sa panahon sa ting-uwan gikan sa buwan sa Septiyembre hangtud sa Disyembre matag tuig diin mopuli ang bugnaw nga hanging amihan human sa init nga hangin sa habagat sa buwan sa Oktubre. (Chester Abadilla/GMR)(BANAT NEWS)
- Latest
