Insurance sa mga mananagat makuha na
CEBU, Philippines – Sobra sa 74 mil ka gagmay’ng mananagat sa Central Visayas ang mahimo na nga mokuha sa ilang libreng insurance coverage alang sa calamity-stricken fishing assets.
Kini sumala pa sa Bureau of Fisheries and Aquatic Resources (BFAR-7) ug sa Philippine Crop Insurance Corporation (PCIC).
Ang programa giimplementar sa BFAR sayo ning tuiga aron sa pagtabang sa mga mananagat kung adunay krisis o aksidente nga may labot sa pagpangisda.
Ang insurance naglangkub sa fishing boats, seaweeds, ug mga pasilidad nga giguba sa kalamidad.
Ang BFAR central office nakarehistro na og 115 mil ka mananagat gikan sa 42 ka probinsiya ug anaa na sa BFAR’s Fisherfolk Database ug sa Department of Budget and Management’s Registry System for Basic Sector in Agriculture (RSBSA).
Matud ni BFAR-7 Director Allan Poquita nga kung adunay dautang mahitabo sa mangingisda, ang pamilya niini makadawat og P50,000.
“Kana kay insured na man sa BFAR so priority sila nga matabangan,” matud ni Poquita.
Ang PCIC kauban ang BFAR ug ang local government units miila sa mga probinsiya nga mohimo og schedule alang sa insurance application sa ubang mga lugar.
Ang PCIC migahin og P1.184 bilyones alang sa insurance sa mga mag-uuma ug mga mangingisda.
Si Poquita miawhag sa tanang mananagat sa pagparehistro.
“We have to register kay natagam mi adtong collision of two vessels in Talisay City nga nag-oil spill sa Cordova and everyone claims as fisher folks so maglisud ta og identify,” matud ni Poquita. -/GMR) (BANAT NEWS)
- Latest
