Uwan ipasawod aron dili magbaha

CEBU, Philippines - Gisugyot sa Department of Environment and Natural Resources-7 ang pag-construct og water catchments isip labing dali nga solusyon sa nasinating pagbaha sa Metro Cebu.

Sumala pa ni DENR-7 Regional Executive Director Isabelo R. Montejo nga ang pagtukod og water catchment magsilbi usab nga pagpangandam sa umaabot ting-init.

Matud ni Montejo nga ang pagpundo unya sa tubig gikan sa water catchments facilities o dams himuong kabahin sa development plan sa mga local government units nga anaa sa low-lying ug urban areas.

Kini aron dili usab manghinobra ang pag-awas sa tubig baha sa kadalanan.

Matud ni Montejo nga ang pagdumala ug paghipos sa tubig mahimong kabahin sa tinubdan alang sa irrigation ug ubang agricultural nga kagamitan inig abot sa summer.

Giawhag ang kabalayan sa pagbutang og cistern aron mapundo ang tubig sa ulan gikan sa atop. (Chester Abadilla/GMR)(BANAT NEWS)