Cebu City “state of calamity”
CEBU, Philippines - Si Bise Mayor Edgardo Labella sa dakbayan sa Sugbo mipatawag og special session kagahapon sa hapon sa konseho sa siyudad ug gituki ang epekto sa kusog nga pagbunok sa uwan kagahapon sa kaadlawon.
Ang Konseho sa dakbayan Sugbo mideklarar kagahapon nga ubos sa ‘state of calamity’ ang siyudad tungod sa maong pagbunok sa ulan ug pagbaha.
Lakip sa gipatambong sa maong session ang hepe sa Reduce Danger Zone (REDZ) nga si Joey Daluz, representante sa City Traffic Operation Management (CITOM), Roberto Varquez, SRP manager, Alvin Santillana, executive assistance sa Local Disaster Risk Reduction and Management Council (LDRRMC) ug ang hepe sa kapolisan sa Sugbo, Senior Superintendent Noli Romana.
Si Mayor Michael Rama nagkanayon nga nagpabiling problema ang Mahiga Creek ug iyang gimandoan si Labella, Konsehal Gerardo Carillo ug Daluz pagsulbad sa problema ug sa mga naapektohan niini.
Sa gipahigayong monitoring sa Cebu City Hall ang dalan M.J. Cuenco Avenue, Barangay Carreta, Mabolo, Tisa, Mambaling, Tagunol, Kinasang-an, Quiot ang lakip sa mga naapektohan sa baha. (BANAT NEWS)
- Latest
