Acetylene gang napalpak
CEBU, Philippines -Usa ka pawnshop sa Sergio Osmeña Street, Barangay Gun-ob, dakbayan sa Lapu-Lapu ang gisuwayan og lungkab sa gidudahang mga sakop sa acetylene gang apan mitingog ang burglar alarm niini sa miaging Huwebes sa gabii.
Matud ni PO1 Jason Elnar sa Lapu-Lapu City Police Office - Station 3, usa ka Rose Lani Gopuco, 35, residente sa A.S. Fortuna, dakbayan sa Mandaue ug tag-iya sa pawnshop ang miadto sa ilahang buhatan ug misumbong bahin sa nahitabong suway nga paglungkab.
Sa pagsusi sa dapit, gituohang alas 11:20 sa gabii niadtong Huwebes gisuwayan og lungag sa grupo ang Super R Pawnshop, apan mitingog ang burglar alarm niini hinungdan nga wala na kini dayona.
Ang luyong bahin sa pawnshop adunay gamay nga lungag ug nakuha diha sa dapit ang acetylene cutting kit, usa ka adjustable tire wrench, duha ka crow bars, usa ka flat screw, kutsilyo, hydraulic jack, duha ka hand drill ug usa ka wire cutter.
Ang kapolisan mihimo na og imbestigasyon pag-ila sa grupo. (/EIM)(BANAT NEWS)
- Latest
