Publiko magbantay kay Crime Prevention Month
CEBU, Philippines - Giawhag sa kapolisan ang publiko nga magmabinantayon samtang saulogon ang National Crime Prevention Month sa buwan sa Septiyembre.
Kini human nakita sa record sa Regional Investigation and Detection Management Division nga misaka ang mga kaso sa kawat sa tibuok rehiyon-7.
Ang hepe sa RIDMD, Sr. Supt. Rey Lyndon Lawas, mibutyag nga matag adlaw may 37 ka kaso sa kawat nga matala diin lakip niini ang simple theft, salisi ug mga akyat bahay.
Ang mga krimen nga kawat base sa pagtuon sa RIDMD mikabat og kapin na sa 7,000 ka insidenti sulod lang sa Enero hangtud Hulyo niining tuiga.
Nakita sa RIDMD nga sa miaging tuig ang labing daghang insidente sa kawat natala sa buwan sa Nobiyembre.
Karong tuiga, Enero pa lang taas na ang insidente sa kawat ug mikunhod kini sa Pebrero apan misaka kini og balik.
Ang buwan sa Septiyembre gideklarar sa balaud nga National Crime Prevention Week. - /GMR) (BANAT NEWS)
- Latest
