‘No Parking Ordinance’ sa Mandaue tukion
CEBU, Philippines- Usa ka ang public hearing sa “No Parking Ordinance” sa mga dalan national ug mga piniling dalan sa dakbayan sa pagkuha sa baroganan sa mga nanag-iya og sakyanan nga maepektohan.
Sa pakighinabi sa Banat News kang Roger Paller, Public Information Officer (PIO) sa dakbayan sa Mandaue City miingon nga ipatawag nila ang mga vehicle owners, mga magpapatigayon, mga barangay opisyal, traysikol drayber, PUJ drayber ug uban pa.
Si Konsehal Elstone Dabon, tsirman sa committee on transportation sa konseho sa maong dakbayan miduso sa maong ordinansahon sa tuyo nga mahapsay ang kadalanan gumikan sa pagpataka og parking.
Si Dabon miingon nga dunay mga dalan nga butangan gyud og designated parking area ug kadtong dili g’yud mahimong parkingan bisan unsang orasa.
Ang coordinator sa Sugbo sa Pinagkakaisang Samahan ng Tsuper at Operator Nationwide (PISTON) nga si Greg Perez nga nahinabi sa Banat News miingon nga lakip usab sila sa motambong sa maong public hearing nga pagahimoon.
Matud pa niya nga mahinungdanon nga duna gyuy klarong loading ug unloading areas sa Mandaue City. - /EIM) (BANAT NEWS)
- Latest
